នៅថ្ងៃទី ១៧ខែធ្នូ ឆ្នាំ ២០១១ ចាប់ពីម៉ោង ១៤:០០ ដល់ម៉ោង ១៥:៣០ CJCC បានរៀបចំ
“ថ្នាក់រៀនសរសេរអក្សរផ្ចង់ជប៉ុន” ដែលបង្រៀនដោយអ្នកគ្រូ ស៊ឹហ្ស៊ឹគី រុមិកុ ជាគ្រូបង្ហាត់នៅសាកលវិទ្យាល័យភូមិន្ទនិតិសាស្រ្តនិងវិទ្យាសាស្រ្តសេដ្ឋកិច្ច រួមទាំងលោកស្រី អ៊ុយសុភាពជាមួយនឹងការចូលរួមពីលោកគ្រូអ្នកគ្រូជនជាតិជប៉ុនផ្សេងៗទៀតនៅ CJCC ។
ការសរសេរអក្សរផ្ចង់គឺជាសិល្បៈនៃការសរសេរអក្សរដោយប្រើប្រាស់ជក់ជាមួយនឹងទឹកខ្មៅព្រមទាំងការផ្ចង់អារម្មណ៍រួមគ្នា។ វាត្រូវបានគេនិយមសរសេរនៅលើស្រោមសំបុត្រសម្រាប់ធ្វើជាអំណោយនាឱកាសពិសេសៗ ដូចជាពេលចូលឆ្នាំថ្មី ឬក៏ការចូលរួមរំលែកទុក្ខជាដើម។

កម្មវិធីនេះមានអ្នកចូលរួមទាំងអស់ចំនួន២៨នាក់ ដែលមកពីសាលា និងអង្គការផ្សេងៗ នៅក្នុងទីក្រុងភ្នំពេញ។ អ្នកចូលរួមទាំងអស់បានហ្វឹកហាត់សរសេរអក្សរផ្ចង់ជប៉ុនម្តងហើយម្តងទៀត ជាមួយនឹងការបង្ហាញពីអ្នកគ្រូរហូតដល់ពួកគេមានអារម្មណ៍ថាថ្នឹកដៃ។
បន្ទាប់ពីថ្នាក់បានបញ្ចប់ ដើម្បីជាអនុស្សាវរីយ៍សិស្សទាំងអស់បានប្រគល់នូវស្នាដៃនៃការសរសេររបស់ខ្លួនដើម្បីបង្ហាញដល់សាធារណជនទូទៅនៅសាលពិព័រណ៍របស់ CJCC។
អ្នកចូលរួមមានការពេញចិត្តជាខ្លាំងជាមួយនឹងថ្នាក់រៀននេះ ហើយពួកគេមានបំណងចង់ស្វែងយល់បន្ថែមទៀតអំពីវប្បធម៌និងសិល្បៈជប៉ុន ដូចជាថ្នាក់រៀនធ្វើម្ហូប ថ្នាក់រៀបចំផ្កា ថ្នាក់បត់ក្រដាសជាដើម។

សូមចូលទៅកាន់ប្រព័ន្ធផ្សព្វផ្សាយសង្គមរបស់CJCC សម្រាប់ព័ត៌មានផ្សេងៗដែលមានដូចជាៈ