មានប្រសិទ្ធិភាពចាប់ពីថ្ងៃទី ៦ ខែ កក្កដា ឆ្នាំ ២០១១

ការណែនាំអំពីសេវាជួលសម្ភារៈ បរិក្ខារ របស់មជ្ឈមណ្ឌលសហប្រតិបត្តិការកម្ពុជា-ជប៉ុន (ម.ស.ក.ជ.)

សូមគិតដល់មជ្ឈមណ្ឌលសហប្រតិបត្តិការកម្ពុជា-ជប៉ុន ប្រសិនបើលោកអ្នកមានបំណងបើកកិច្ចប្រជុំ វគ្គបណ្តុះបណ្តាល    សិក្ខាសាលា  សន្និសីទ ឬសន្និសីទតាមរយៈប្រព័ន្ធវីដេអូ (Video Conference) ផ្សេងៗ ។ ជាមួយនឹងបុគ្គលិកដែលមានបទពិសោធន៍ សម្ភារៈ បរិក្ខារសម្បូរបែប ប្រព័ន្ធសម្លេង និងប្រព័ន្ធភ្លើងទំនើបៗ  ម.ស.ក.ជ. គឺជាជម្រើសដ៏ល្អមួយសម្រាប់អស់លោកអ្នកក្នុងការប្រារព្ធនូវព្រឹត្តិការណ៍នានា។

១. សមត្ថភាពបន្ទប់ប្រជុំទៅតាមទ្រង់ទ្រាយ

* បន្ទប់សៀមរាប-ក្យូតុ ០៧ កំពុងស្ថិតក្នុងការជួសជុល

បន្ទប់នីមួយៗបំពាក់ទៅដោយសម្ភារៈ បរិក្ខារដូចខាងក្រោម៖

• ម៉ាស៊ីនត្រជាក់
• ប្រព័ន្ធភ្លើង
• តុ និងកៅអី
• ក្តារខៀន
• ជើងហ្វ្លីបឆាត (Flip Chart Stand)  
• ហ្វឺតសសេរក្តារខៀន និងប្រដាប់លុបក្តារខៀន
• អេក្រង់ LCD
• កន្លែងសម្រាប់ស៊កបន្តអគ្គិសនី (Electricity Outlet) ( គិតថ្លៃនៅពេលប្រើប្រាស់លើសពី១៦អំពែ )
• អ៊ីនធឺណេត (ភ្ជាប់តាមរយៈខ្សែ ឥតគិតថ្លៃសម្រាប់កុំព្យូទ័រ៣គ្រឿង)

*** កំណត់សម្គាល់ៈ
       (*) សាលអង្គរ-គីហ្សូណាមានបំពាក់បន្ថែមនូវ៖

• ប្រព័ន្ធសម្លេង
• ឆាកដែលបំពាក់ដោយប្រព័ន្ធភ្លើង (ភ្លើងពណ៌)
• ពន្លឺសម្រាប់ចាប់យករូបភាពនៅលើឆាក (Spot Light)
• ម៉ាស៊ីនMixer  (គ្រប់គ្រងសម្លេង ថតសម្លេងកាសែត ចាក់ស៊ីឌី វីស៊ីឌី ឬឌីវីឌី)
• បន្ទប់បកប្រែផ្ទាល់មាត់ (បកបណ្តេញ)៖  មាន៣បន្ទប់

      (**) បន្ទប់ភ្នំពេញ-តូក្យូ ០៩ អាចដាក់ចំណុះមនុស្សសម្រាប់ពិភាក្សាជាក្រុមបាន ៦០នាក់ គឺ ៦ក្រុម X ១០នាក់
      (***)សាល អង្គរ-គីហ្សូណា អាចដាក់ចំណុះមនុស្សសម្រាប់ពិភាក្សាជាក្រុមបាន ២៤០នាក់ គឺ ២៤ក្រុម X ១០នាក់

២. ការណែនាំអំពីតម្លៃ

កំណត់សម្គាល់ៈ
១.   មួយថ្ងៃ ស្មើនឹង ៨ម៉ោង ម៉ោងធ្វើការ (ម៉ោងប្រហែល ៨:០០ព្រឹក ដល់ម៉ោងប្រហែល ៥:០០ល្ងាច)
២.  កន្លះថ្ងៃ ស្មើនឹង ៤ម៉ោងធ្វើការ (ម៉ោងប្រហែល ៨:០០ព្រឹក ដល់ម៉ោងប្រហែល ១២:០០ថ្ងៃត្រង់ ឬម៉ោងប្រហែល ១៣:០០រសៀល ដល់ម៉ោងប្រហែល ១៧:០០ល្ងាច)។
៣.  ករណីប្រើប្រាស់លើសពី ២ម៉ោង ម.ស.ក.ជ.នឹងគិតថ្លៃតាមអត្រាតម្លៃកន្លះថ្ងៃ។
៤.   ករណីប្រើប្រាស់នៅថ្ងៃអាទិត្យ ម.ស.ក.ជ.នឹងគិតថ្លៃតាមអត្រាតម្លៃធម្មតា មិនមែនអត្រាតម្លៃអប្បហារទេ។
៥.   ម.ស.ក.ជ.នឹងបិទនៅរៀងរាល់ថ្ងៃបុណ្យជាតិ។
៦.   កាតសមាជិកសម្រាប់ជួលសម្ភារៈ បរិក្ខារម.ស.ក.ជ. មានតម្លៃ ៥០ដុល្លារក្នុងម្នាក់ ក្នុងរយៈពេលមួយឆ្នាំ។

៣. ការជួលសម្ភារៈ បរិក្ខារ

 សម្គាល់ៈ
(១)     ជាធម្មតា សម្ភារៈនេះប្រើប្រាស់ក្នុងបន្ទប់ដែលមិនមានបំពាក់ប្រព័ន្ធសម្លេង។
(២)     តម្លៃនេះមិនបានបូករួមនឹងតម្លៃរឹតខ្ទង់ព្យ៉ាណូនៅឡើយទេ។ អ្នកជួលត្រូវត្រួតពិនិត្យសម្លេងដោយខ្លួនឯង។
            ម.ស.ក.ជ. នឹងគិតថ្លៃបន្ថែម ៧០.០០ដុល្លារ សម្រាប់ការរឹតខ្ទង់ព្យ៉ាណូ។

៤. សេវាកម្មរៀបចំផ្សេងៗ

៥. ការគិតថ្លៃចំពោះការនាំចូលនូវសេវាកម្មផ្សេងៗ

ចំណាំៈ ម.ស.ក.ជ.រក្សាសិទ្ធិក្នុងការកែប្រែអត្រាតម្លៃ ក្នុងករណីចាំបាច់ ។

៦. សំណួរដែលត្រូវបានសួរជាញឹកញាប់

១.តើធ្វើដូចម្តេចដើម្បីកក់បន្ទប់ប្រជុំពីម.ស.ក.ជ.?

• សូមទំនាក់ទំនងមកកាន់បុគ្គលិកម.ស.ក.ជ. ដើម្បីដឹងពីស្ថានភាពរបស់បន្ទប់ ។ បន្ទាប់មកធ្វើការបំពេញនូវបែបបទនៃការកក់បន្ទប់ រួចបញ្ជូនដោយផ្ទាល់ទៅកាន់បុគ្គលិកម.ស.ក.ជ. ឬបញ្ជូនតាមរយៈហ្វាក់ អ៊ីម៉េលឲ្យបានយ៉ាងតិច ៣ថ្ងៃមុនថ្ងៃប្រើប្រាស់។ បែបបទនៃការកក់បន្ទប់ អាចរកបាននៅកន្លែងទទួលភ្ញៀវនៃ ម.ស.ក.ជ. ឬយកចេញពីវេបសាយរបស់ម.ស.ក.ជ.  ឬក៏អាចស្នើសុំបុគ្គលិកតាមរយៈទូរស័ព្ទ ឬតាមអ៊ីម៉េល។

២.តើធ្វើដូចម្តេចដើម្បីទទួលបានអត្រាតម្លៃអប្បហារ?

• សូមចុះឈ្មោះជាសមាជិកជួលសម្ភារៈ បរិក្ខារ នៅបណ្ណាល័យនៃម.ស.ក.ជ. ជាមុនសិន។

៣.តើម.ស.ក.ជ. ទទួលយកការបង់ប្រាក់តាមរបៀបណាខ្លះ?

• ម.ស.ក.ជ. ទទួលយកការបង់ប្រាក់ជាប្រាក់សុទ្ធ, ប័ណ្ណបើកប្រាក់ ឬ តាមរយៈការផ្ទេរប្រាក់។

៤.តើខ្ញុំត្រូវកក់ប្រាក់សម្រាប់ការជួលដែរឬទេ?

• ដើម្បីភាពងាយស្រួលសម្រាប់លោកអ្នក ម.ស.ក.ជ. មិនតម្រូវឲ្យលោកអ្នកបង់ប្រាក់កក់ទេ ប៉ុន្តែម.ស.ក.ជ. តម្រូវឲ្យលោកអ្នកបង់ប្រាក់ទាំងអស់ឲ្យបានយ៉ាងតិច ៣ថ្ងៃមុនថ្ងៃប្រើប្រាស់។

៥.តើខ្ញុំត្រូវធ្វើដូចម្តេចដើម្បីលុបចោលការកក់របស់ខ្ញុំ?

• សូមទំនាក់ទំនងដោយផ្ទាល់មកកាន់បុគ្គលិកម.ស.ក.ជ.។

៦.តើខ្ញុំត្រូវបង់ប្រាក់សម្រាប់ការលុបចោលនៃការជួលនេះដែរបឬទេ?

• ៥០% នៃថ្លៃបន្ទប់ សម្រាប់ការលុបចោលរវាង ២ ទៅ ៧ថ្ងៃមុនថ្ងៃប្រើប្រាស់។
• ៧៥% នៃថ្លៃបន្ទប់ សម្រាប់ការលុបចោលរវាង ១ថ្ងៃមុនថ្ងៃប្រើ់ប្រាស់។
• ១០០% នៃថ្លៃបន្ទប់ សម្រាប់ការលុបចោលនៅថ្ងៃប្រើប្រាស់។

៧.សន្មតថាខ្ញុំចង់កក់បន្ទប់ក្នុងចន្លោះម៉ោង ១០:៣០នាទីព្រឹក ដល់ម៉ោង១៤:៣០នាទីរសៀលតើខ្ញុំត្រូវបង់ថ្លៃប៉ុន្មាន?

• ម.ស.ក.ជ. នឹងគិតថ្លៃក្នុងអត្រាមួយថ្ងៃពេញ ដោយសារតែពេលវេលាដែលនៅសល់ ម.ស.ក.ជ. មិនអាចប្រើប្រាស់សំរាប់ព្រឹត្តិការណ៍ផ្សេងៗទៀតបាន។

៨.សន្មតថាខ្ញុំចង់ជួលបន្ទប់សម្រាប់មួយថ្ងៃកន្លះ តើ ម.ស.ក.ជ. នឹងគិតថ្លៃក្នុងអត្រាមួយថ្ងៃបូកនឹងអត្រាកន្លះថ្ងៃមែនទេ?

• មិនមែនដូច្នោះទេ។ ដោយសារតែលោកអ្នកប្រើប្រាស់បន្ទប់ប្រជុំបន្តបន្ទាប់គ្នា ម.ស.ក.ជ. នឹងគិតថ្លៃ ១ថ្ងៃកន្លះ នៃអត្រាក្នុងមួយថ្ងៃ។

៩.ករណីខ្ញុំចង់ជួលបន្ទប់កន្លះថ្ងៃសម្រាប់រយៈពេល២ថ្ងៃ តើម.ស.ក.ជ. គិតថ្លៃបែបណា?

• ករណីនេះ ម.ស.ក.ជតម្រូវឲ្យលោកអ្នកបង់ក្នុងអត្រាកន្លះថ្ងៃ។

១០.តើខ្ញុំអាចកក់បន្ទប់ក្នុងចន្លោះម៉ោង 17:00-21:00បានដែរឬទេ? តើម.ស.ក.ជនឹងគិតតម្លៃបែបណា?

• ពិតជាបាន។ ម.ស.ក.ជទទួលយកការកក់របស់លោកអ្នក ប្រសិនបើបន្ទប់នៅទំនេរ។ប៉ុន្តែម.ស.ក.ជនឹងគិតថ្លៃតាមអត្រាតម្លៃធម្មតា មិនមែនអត្រាតំលៃអប្បហារនោះទេ។

 ៧. កំណត់សម្គាល់

១.      សួមថែរក្សានូវកាបូប ឬសម្ភារៈផ្សេងៗដោយខ្លួនអ្នក។ ម.ស.ក.ជ. នឹងមិនទទួលខុសត្រូវរាល់ការបាត់បង់ ឬការខូចខាតសម្ភារៈរបស់លោកអ្នកដោយប្រការណាមួយឡើយ (ឧទាហរណ៍ៈ ចោរលួច, បាត់បង់, ឬខូចខាតជាដើម)។
២.     ម.ស.ក.ជ.តម្រូវឲ្យអ្នកសងនូវរាល់ការខូចខាត ឬបាត់បង់នូវសម្ភារៈ បរិក្ខារផ្សេងដែលបង្កឡើងដោយអ្នក។
៣.     យោងតាមបទបញ្ញត្តិទូទៅរបស់ម.ស.ក.ជ. ដើម្បីចៀសវាងបញ្ហាផ្សេងៗ ម.ស.ក.ជមិនទទួលផ្ញើនូវទ្រព្យសម្បត្តិរបស់បុគ្គលណាម្នាក់ជាបណ្តោះអាសន្នឡើយ។
៤.      សូមរក្សាទុកនូវរាល់សម្ភារៈផ្សេងៗឲ្យមានសណ្តាប់ធ្នាប់បន្ទាប់ពីប្រើប្រាស់រួច។ ហើយសូមប្រាកដថាអ្នកបានយកសម្ភារៈប្រើប្រាស់របស់អ្នកត្រឡប់ទៅវិញ។
៥.      ម.ស.ក.ជ. នឹងគិតថ្លៃបន្ថែមទៅលើការសំអាតក្រោយការប្រើប្រាស់ ប្រសិនបើការសំអាតចាំបាច់ត្រូវតែធ្វើ។
៦.      ម.ស.ក.ជ. តម្រូវឲ្យអ្នកមានពត៌មានច្បាស់លាស់ ប្រសិនបើអ្នកចង់ផ្សព្វផ្សាយព័ត៌មានផ្សេងៗនៅម.ស.ក.ជ. ។
៧.     សូមជូនដំណឹងដល់បុគ្គលិកម.ស.ក.ជ. ជាមុន ប្រសិនបើលោកអ្នកនាំចូលនូវសេវាកម្មផ្សេងៗដូចជា ការរចនាក្រោយឆាក ឬសេវាម្ហូបអាហារផ្សេងៗ។
៨.      សូមស្តាប់តាមការណែនាំរបស់បុគ្គលិកម.ស.ក.ជ. ក្នុងករណីមានហេតុការណ៍បន្ទាន់កើតឡើង ។