នៅថ្ងៃទី ១៧ខែធ្នូ ឆ្នាំ២០១១ ចាប់ពីម៉ោង ០៩:០០-១១:០០ មជ្ឈមណ្ឌលសហប្រតិបត្តិការកម្ពុជាជប៉ុន បានរៀបចំកម្មវិធីជជែកកំសាន្តជាភាសាជប៉ុន ក្រោមប្រធានបទ “ ទីកន្លែងកំណើត”  ដែលមានអ្នកចូលរួមទាំងអស់ចំនួន ២២នាក់ ក្នុងនោះ ១៤នាក់ជាសិស្សខ្មែរ និង ៨នាក់ជាជនជាតិជប៉ុនមកពី JICA និងមកពីក្រុមហ៊ុនជប៉ុនផ្សេងៗទៀត។ សិស្សទាំងអស់ត្រូវបានបែងចែកជាក្រុម (ក្នុងមួយក្រុមមានសិស្សខ្មែរ ២នាក់ និងជនជាតិជប៉ុន១នាក់)។
សិស្សភាគច្រើនមានភាពសប្បាយរីករាយក្នុងការជជែកកំសាន្តជាមួយជនជាតិជប៉ុន ហើយពួកគេមានបំណងចង់ចូលរួមក្នុងកម្មវិធីនេះនៅឱកាសលើកក្រោយៗទៀត។

“វាជាឱកាសល្អណាស់ដែលខ្ញុំបានអនុវត្តនិយាយភាសាជប៉ុនជាមួយជនជាតិជប៉ុនដោយផ្ទាល់។ វាជួយឱ្យខ្ញុំហាត់បញ្ចេញសម្លេងបានល្អ ព្រមទាំងមានទំនាក់ទំនងល្អជាមួយអ្នកចូលរួមដ៏ទៃទៀត។ ខ្ញុំពិតជាចង់ចូលរួមក្នុងកម្មវិធីនេះនៅឱកាសលើកក្រោយៗទៀត។”
កញ្ញា ថានីដែលជាអ្នកចូលរួមម្នាក់បាននិយាយ។
គួរបញ្ជាក់ផងដែរថា CJCC តែងតែរៀបចំកម្មវិធីផ្សេងៗដើម្បីជំរុញ និងពង្រឹងទំនាក់ទំនងរវាងជនជាតិកម្ពុជា និង ជប៉ុន ៕

សូមចូលទៅកាន់ប្រព័ន្ធផ្សព្វផ្សាយសង្គមរបស់CJCC សម្រាប់ព័ត៌មានផ្សេងៗដែលមានដូចជាៈ

នៅថ្ងៃទី ៤ខែធ្នូ ឆ្នាំ២០១១ មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) បានរៀបចំការប្រលងសមត្ថភាពជំនាញភាសាជប៉ុន នៅក្នុងអគារវិទ្យាស្ថានភាសា

បរទេស និងអគារនៃមជ្ឈមណ្ឌលផ្ទាល់។

មានបេក្ខជនដាក់ពាក្យប្រលងទាំងអស់ចំនួន៦៥០នាក់ ដោយឡែកបេក្ខជនដែលមកចូលរួមប្រលងមានចំនួន ៥៨៨នាក់ ដែលក្នុងនោះចំនួនបេក្ខជនប្រលងកម្រិត៥ មានចំនួន៥៧នាក់ កម្រិត៤ មានចំនួន១៤៦នាក់ កម្រិត៣ មានចំនួន ២២៧នាក់ កម្រិត២មានចំនួន ១១៤នាក់ និងកម្រិត១មានចំនួន៤៤នាក់។

បេក្ខជនភាគច្រើនមកពីបណ្តាសាលា និងអង្គការផ្សេងៗពីទីក្រុងភ្នំពេញ និងតាមបណ្តាខេត្តមួយចំនួន។

លទ្ធផលនៃការប្រលងនេះនឹងចេញនៅចុងខែកុម្ភៈ ឆ្នាំ២០១២។ បេក្ខជនអាចយកលទ្ធផលបាននៅរៀងរាល់ម៉ោងធ្វើការនៅCJCC។

សម្រាប់ពាក្យសុំប្រលងសមត្ថភាពជំនាញភាសាជប៉ុនលើកទីមួយ ឆ្នាំ២០១២ នឹងមានលក់នៅដើមខែមីនា ហើយការប្រលងនឹងធ្វើឡើងនៅថ្ងៃអាទិត្យ ទី៨ ខែកក្កដា ឆ្នាំ ២០១២ ។

គួរឲ្យកត់សម្គាល់ផងដែរថា CJCCបានរៀបចំការប្រលងនេះចាប់តាំងពីឆ្នាំ ២០០៦មកម្ល៉េះ។ ពីឆ្នាំ ២០០៦ ដល់ឆ្នាំ ២០០៩ ការប្រលងបានធ្វើឡើងតែមួយលើកប៉ុណ្ណោះក្នុងមួយឆ្នាំ ប៉ុន្តែចាប់ពីឆ្នាំ ២០១០មកការប្រលងធ្វើឡើងពីរលើកក្នុងមួយឆ្នាំ។ លើកទីមួយគឺនៅថ្ងៃអាទិត្យសប្តាហ៍ទី១ ខែកក្កដា និងលើកទីពីរនៅថ្ងៃអាទិត្យ សប្តាហ៍ទី១ ខែធ្នូ។

គួរបញ្ជាក់ផងដែរថាCJCCគឺជាមជ្ឈមណ្ឌលតែមួយគត់ដែលផ្តល់នូវការប្រលងសមត្ថភាព

ជំនាញភាសាជប៉ុននៅកម្ពុជា។

សូមចូលទៅកាន់ Facebook (facebook.com/CJCC.fb) , Twitter (twitter.com/JapanCenter_KH) របស់យើងខ្ញុំសម្រាប់ព័ត៌មានផ្សេងៗទៀត។

ពីថ្ងៃទី ២៧ ដល់ថ្ងៃទី ៣០ខែវិច្ឆិកា ឆ្នាំ ២០១១,មជ្ឈមណ្ឌលសហប្រតិបត្តិការកម្ពុជា-ជប៉ុន

បានរៀបចំដំណើរទស្សនកិច្ចសិក្សាទៅកាន់ទីក្រុងហូជីមិញ ប្រទេសវៀតណាម។ គោលគំនិតនៃដំណើរទស្សនកិច្ចសិក្សានេះគឺដើម្បីបង្កើតឱកាសដល់ សិក្ខាកាម “វគ្គគ្រប់គ្រងផលិតកម្ម” របស់ CJCCក៏ដូចជាសាធារណជនផ្សេងៗដើម្បីទទួលបាននូវ

បទពិសោធន៍ទាក់ទងទៅនឹងដំណើរការផលិតកម្ម គោលគំនិតនៃការគ្រប់គ្រងអាជីវកម្ម

និងបង្កើតទំនាក់ទំនងអាជីវកម្មជាមួយសហគ្រិនក្នុងស្រុកនៃប្រទេសវៀតណាម។ ដោយមានការសហការពី ក្រុមហ៊ុន មីង ត្រាង ដំណើរទស្សនកិច្ច

នេះបានធ្វើដំណើរទៅកាន់ក្រុមហ៊ុនផលិតកម្ម និងសាលាមួយចំនួនដូចជាៈ

១. សាជីវកម្មគ្រឿងសម្អាងសាយហ្គន

២. ក្រុមហ៊ុន HACA វៀតណាម

៣. សាលា Duc Tri

៤. ក្រុមហ៊ុន ប្លាស្ទិកសាយហ្គន

៥. ក្រុមហ៊ុនមី VINA ACECOOK

៦. ក្រុមហ៊ុនដង្កាប់ KEM NGHIA

៧. ពិព័រណ៍ពាណិជ្ជកម្មវៀតណាមនៅទីក្រុងហូជីមិញឆ្នាំ ២០១១

នៅក្នុងដំណើរទស្សនកិច្ចសិក្សានេះ សិក្ខាកាមបានទទួលយកនូវចំណេះដឹង និងគំនិតជាច្រើន ដែលមានសារៈប្រយោជន៍សម្រាប់ពួកគេដូចជា៖

• បង្កើនគំនិតអាជីវកម្មថ្មីនិងគោលគំនិតអាជីវកម្ម និងការផ្លាស់ប្តូរបទពិសោធន៍
• ចំណេះដឹងទាក់ទងទៅនឹងគំនិតច្នៃប្រឌិត និងជំហ៊ានទៅរកភាពជោគជ័យ
• ចំណេះដឹងទាក់ទិននឹងឱកាសអាជីវកម្ម
• ចំណេះដឹងពីការប្រកួតប្រជែងសម្រាប់អាជីវកម្ម (ចាប់ផ្តើមពីអាជីវកម្មខ្នាតតូច ដល់អាជីវកម្មខ្នាតធំ)
• ចំណេះដឹងពីកន្លែងផលិតកម្មផ្សេងៗនៃប្រទេសវៀតណាម
• ចំណេះដឹងពីការពង្រឹងផលិតភាពអាជីវកម្ម
• បង្កើតទំនាក់ទំនង និងមិត្តភាពជាមួយសហគ្រាសក្នុងស្រុកនៃប្រទេសវៀតណាម

សិក្ខាកាមទាំងអស់មានចំនួន ១៨នាក់។ សិក្ខាកាមភាគច្រើនជាមន្ត្រីអង្គការក្រៅរដ្ឋាភិបាល/ មន្ត្រីរាជការ, ម្ចាស់អាជីវកម្ម, អ្នកគ្រប់គ្រងទូទៅ និងនាយកពីស្ថាប័នផ្សេងៗ។ សិក្ខាកាមភាគច្រើនរីករាយនឹងទស្សនកិច្ចសិក្សានេះ ហើយមានបំណងចូលរួមកម្មវិធីនេះនៅឱកាសលើកក្រោយៗទៀត។

សូមចូលទៅកាន់ Facebook (facebook.com/CJCC.fb) , Twitter (twitter.com/JapanCenter_KH) របស់យើងខ្ញុំសម្រាប់ព័ត៌មានផ្សេងៗទៀត។